買樓VS買股?

買樓定買股好呢? 要視乎本身財政狀況及膽色,因為每個人的本金及承受風險的能力各有不同,難以一概而論。

有人認為股票投資本少利大,手續費低之餘,亦可以隨時換馬,轉身速度較買樓快。求穩陣的投資者,通常選擇風險較低的藍籌股賺息,若然夠眼光,買中騰訊之類的潛力股,長遠有望獲得可觀回報。而傾向買樓投資的人,假如搭上樓市順風車,不但可賺取物業升值回報,若單位出租,每月都會有淨現金流入,兼賺租金回報,即使港息有機會跟隨美國上調,相信步伐會較緩慢,業主仍可取穩定回報,再者,近日物業市場連環錄得高價成交,樓市見頂言之過早,料升值潛力仍在。

搏取回報快的人,或者會認為買樓投資的利潤升幅慢,故寧願炒股票,有機會「扑中」股票,一日之間爆升幾倍賺錢離場。不過,淨是本港股票數目已逾二千多隻,要一擊即中潛力股談何容易,若然買中所謂「妖股」,更有機會銀紙變廢紙,賺錢變蝕錢。當然,買樓投資不代表無風險,例如維修費、管理費或差餉等,若不慎遇上租霸,同樣會降低回報。

不過正如老一輩說,有磚頭揸手比較有渣拿,樓價升可以沽貨、以小換大;而即使市況逆轉,出租單位都起碼有租金落袋。如果手頭本錢不多,不過家人願意提供資金援助,其實亦可考慮置業。其一香港地租樓成本其實不低,與其幫人供樓,買樓自住至少有個自住私人安樂窩;如果是投資的話,雖說本港息口有機會上調,房屋供應亦會增加,但就目前來看,樓市升勢預料持續,住宅物業仍是相對穩健及回報較高的投資。

Join The Discussion

Compare listings

Compare